საქართველოში ეკონომიკური ზრდა შეინიშნება

2024 წლის იანვარში საქართველოში დაფიქსირდა 5,8%-იანი რეალური ეკონომიკური ზრდა წინა წლის ანალოგიურ პერიოდთან შედარებით. “საქსტატის” მონაცემებით, 2024 წლის იანვარში წინა წლის ანალოგიურ პერიოდთან შედარებით ექსპორტი შემცირდა 26,2%-ით, იმპორტი კი – 10,1%-ით. ქვეყნის ეკონომიკის ზრდაში მნიშვნელოვანი წვლილი შეიტანა სამშენებლო, ფინანსური და სადაზღვევო საქმიანობის, ინფორმაციისა და კომუნიკაციების სფეროებმა.

იმავე თვეში დარეგისტრირდა, დაახლოებით, 5,5 ათასი ახალი საწარმო, რაც 14,5%-ით ნაკლებია ერთი წლის წინანდელ მაჩვენებელზე. ამასთანავე, დღგ-ს გადამხდელი საწარმოების ბრუნვა 1,4%-ით გაიზარდა და 10,4 მილიარდ ლარს მიაღწია. ქვეყნის ეკონომიკის აღდგენა 2021 წლის აპრილში დაიწყო და საკმაოდ მაღალი ტემპით გრძელდება.