საქართველოში გაიმართება სნოუბორდის მსოფლიო ჩემპიონატი

6 და 7 აპრილს საქართველოს სამთო-სათხილამურო კურორტი გუდაური პირველად ისტორიაში უმასპინძლებს სნოუბორდის ახალგაზრდულ მსოფლიო ჩემპიონატს 21 წლამდე სპორტსმენებს შორის. ჩვენმა ქვეყანამ ეს შესაძლებლობა ამ კურორტზე სნოუბორდ კროსის დისციპლინაში მსოფლიო ჩემპიონატის ეტაპის წარმატებით ჩატარების შედეგად მიიღო.

სათხილამურო საერთაშორისო ფედერაციის ცნობით, გუდაური სრულად აკმაყოფილებს შეჯიბრებების ჩატარების ინფრასტრუქტურულ და ორგანიზაციულ სტანდარტებს.