საქართველოში გახშირდა ნაწლავური ინფექციების შემთხვევები

საქართველოში დარეგისტრირდა ნაწლავური ინფექციების შემთხვევების მკვეთრი ზრდა. როგორც ინფექციონისტი მაია ბუცაშვილი ამტკიცებს, ასეთი ტენდენცია განპირობებულია ზაფხულის სეზონზე ადამიანების დიდი რაოდენობის შეკრებასთან და ასევე კვების ობიექტებში სანიტარიული ნორმების დაუცველობასთან. სპეციალისტი გვირჩევს ბოთლის წყლის დალევასა და იმ საკვებისა და წყლიდან თავის შორს დაჭერა, რომლის სისუფთავესა და ხარისხში არ ვართ დარწმუნებული.

ინფექციონისტმა განმარტა, რომ ზაფხულის სეზონის დაწყებასთან ერთად კვების ობიექტები ხშირად გადატვირთულია, რაც აისახება პროდუქციის ხარისხზე. კვებითი მოწამვლისას საჭიროა დიდი რაოდენობით სითხის მიღება, მოხარშული საკვების ჭამა. არ არის რეკომენდებული ხილის წვენების დალევა, ასევე თვითმკურნალობა, კერძოდ, ანტიბიოტიკების მიღება, რამაც ფაღარათის დროს შეიძლება მეტი ზიანი მოიტანოს.