საქართველოში საფეხმავალო ტურიზმი ვითარდება

იმერეთში დასრულდა საქართველოს ტურიზმის ეროვნული ადმინისტრაციის მიერ განხორციელებული ორი საფეხმავლო მარშრუტის მონიშვნა. პირველი მარშრუტი მიდის სათაფლიის ნაკრძალიდან სოფელ გუმათში, ხოლო მეორე – წყალტუბოს რაიონის სოფელ ზარათიდან ამავე სახელწოდების ჩანჩქერისკენ.

წინა წელს უწყებამ მოამზადა 227 კმ-ის საერთო სიგრძის 28 საფეხმავლო ბილიკის მონიშვნა, საიდანაც 2,7 კმ შეადგენს კაცხის პანორამულ ბილიკს – კაცხის სვეტს ჭიათურაში. სულ, საქართველოში სათავგადასავლო ტურიზმის პოპულარიზაციის მიზნით მოინიშნა 1 400 კმ სიგრძის 111 საფეხმავლო მარშრუტი.

მიმდინარე წელს ტურიზმის ეროვნული ადმინისტრაცია სამეგრელოში, იმერეთსა და ფშავ-ხევსურეთში გეგმავს, დაახლოებით, 180 კმ-ის სიგრძის საფეხმავლო მარშრუტების მონიშვნას.

ტურიზმის ადმინისტრაციის ხელმძღვანელის მაია ომიაძის თქმით, საფეხმავლო ბილიკები იზიდავს როგორც ადგილობრივ, ისე უცხოელ ტურისტებს. ისინი ეხმარებიან მოგზაურებს უსაფრთხო მარშრუტების პოვნაში ისტორიული ძეგლებისა და ბუნებრივი ღირსშესანიშნაობების მოსანახულებლად.