სახელმწიფო დაიწყებს ენერგეტიკის სექტორის დაფინანსებას

პროგრამის “აწარმოე საქართველოში” გაფართოების ფარგლებში სახელმწიფო იწყებს იმ მეწარმეების დაფინანსებას, რომლებიც აწარმოებენ ელექტროენერგიას: მზის, ქარისა და ჰიდროელექტროენერგიას. სესხით ან ლიზინგით სარგებლობა შეუძლია კომპანიას, რომლის დაყენებული სიმძლავრე არ აღემატება 0,5 მეგავატს. სახელმწიფო სუბსიდირებს სესხის პროცენტს სესხის მთელი ვადის განმავლობაში ეროვნული ბანკის რეფინანსირების განაკვეთის 5%-ის გამოკლებით და ასევე იძლევა დამატებით შეღავათებს უზრუნველყოფის კუთხით.

სამთავრობო პროგრამა “აწარმოე საქართველოში” 2014 წლის ზაფხულში შეიქმნა და ერთ-ერთი ყველაზე წარმატებულია ქვეყანაში. მისი მიზანია ქვეყანაში ადგილობრივი წარმოების სტიმულირება. 2017 წლის აპრილში პროგრამის ფარგლებში შეიქმნა ამავე სახელწოდების სააგენტო, რომელმაც გააერთიანა ყველა სამთავრობო პროგრამა ბიზნეს სექტორისთვის.