საქართველოში გაორმაგდება სახელმწიფო სტიპენდია წარჩინებული სტუდენტებისთვის – ღარიბაშვილი

პრემიერ–მინისტრმა ირაკლი ღარიბაშვილმა განაცხადა, რომ ქვეყანაში გაიზრდება სტიპენდიანტთა რაოდენობა და გაორმაგდება სტიპენდიების ოდენობა წარჩინებული სტუდენტებისთვის. თუ ახლა 150 ლარის ოდენობის სახელმწიფო სტიპენდიის მიღება მაქსიმუმ 2500 ადამიანს შეუძლია, ახალი წესით ის 300 ლარი იქნება და მას 5000 წარჩინებული სტუდენტი მიიღებს.

ასევე ნახსენებია, რომ მთავრობა აგრძელებს უცხოურ უნივერსიტეტებში საუკეთესო სტუდენტების სწავლების პროგრამის მხარდაჭერას.

სტუდენტების სტიპენდიების გარდა საქართველოში მოქმედებს სახელმწიფო გრანტების სისტემა ერთიანი ეროვნული გამოცდების შედეგებიდან გამომდინარე და მუნიციპალიტეტების სოციალური პროგრამები სტუდენტებისთვის სოციალურად დაუცველი ოჯახებიდან და შეზღუდული შესაძლებლობის მქონე სტუდენტებისთვის.