სკოლის მოსწავლეებს მედიაწიგნიერებას ასწავლიან

განათლების სამინისტროს პროექტის „მედიაწიგნიერების ინტეგრირება ფორმალურ განათლებაში“ ფარგლებში მიმდინარე სასწავლო წელს მე-10-12 კლასების მოსწავლეებისთვის ახალი არჩევითი საგანი გაჩნდა. ერთი სემესტრის განმავლობაში სტუდენტები შეისწავლიან მედიაწიგნიერებას, საინფორმაციო ენას, ინფორმაციის დამუშავებასა და დეზინფორმაციის ამოცნობის გზებს.

ახალ პროექტს უკვე გაეცნენ ბათუმის, ოზურგეთის, ზუგდიდისა და ქუთაისის 160-ზე მეტი სკოლის პედაგოგები და დირექტორები. 2023 წელს საქართველოს სკოლების 600-მა მასწავლებელმა გაიარა სპეციალური გადამზადება სკოლის მოსწავლეების შემდგომი სწავლებისთვის, უახლოეს მომავალში კიდევ ათასამდე პედაგოგის გადამზადება იგეგმება. ასევე შემუშავდა მედიაწიგნიერების საგანმანათლებლო სტანდარტი, სახელმძღვანელო და შესაბამისი ტრენინგ მოდული მასწავლებლებისთვის.