სოციალურად დაუცველი ოჯახები არ დარჩებიან საახალწლო საჩუქრების გარეშე

დედაქალაქის მერიაში განაცხადეს, რომ უფასო სასადილოს ყველა ბენეფიციარი ოჯახი წელს, მრავალწლიანი ტრადიციისამებრ, საახალწლო საჩუქრებს კვლავ მიიღებს. დეპარტამენტში ხაზგასმით აღნიშნეს, რომ ყოველწლიურად იზრდება საახალწლო კალათების შემადგენლობა და უფრო მრავალფეროვანი ხდება. 2-3 კაციანი ოჯახები იღებენ ორ კალათს, 4-5 კაციანი – სამ კალათს, 6-7 კაციანი – 4 კალათს და ა.შ.

დედაქალაქის ხელისუფლებამ თავისი განცხადებით უარყო ერთ-ერთი ქართული ტელეკომპანიის ინფორმაცია, რომელიც ქალაქის ბიუჯეტის დაზოგვის მიზნით სოციალურად დაუცველი ოჯახებისთვის საახალწლო ტრაპეზის გაუქმების შესახებ საუბრობდა.