სპორტი, როგორც ცხოვრების წესი 

საქართველო ნიჭიერების ქვეყანაა. ჩვენ არაერთხელ გვისაუბრია ამის შესახებ ჩვენს რუბრიკაში გამოჩენილი თანამემამულეების შესახებ.

დღევანდელი სტატიის გმირი რუსული ტელევიზიის სპორტული კომენტატორი გრიგორი თვალთვაძეა. ის სოხუმში დაიბადა. მისი მამა მწერალი და დიპლომატი ალექსანდრე თვალთვაძეა, გრიგორის ასევე ჰყავს ორი ძმა – ლევანი და თემური, რომლებიც ასევე ჟურნალისტები გახდნენ.

ბავშვობიდანვე გრიგორი მჭიდროდ იყო დაკავშირებული სპორტთან – ის ჭიდაობდა, მოგვიანებით კი კრუპსკაიას სახელობის მოსკოვის რეგიონალური პედაგოგიური ინსტიტუტი დაამთავრა, რომელშიც ის იყო ფაკულტეტისა და ინსტიტუტის თვითშემოქმედების ერთ-ერთი ხელმძღვანელი.

1997 წელს, სპორტულ პროდიუსერ ვასილი კიკნაძესთან შეხვედრის შემდეგ, გრიგორი თვალთვაძე ტელევიზიაში მუშაობის სურვილმა აიტანა. თავისი ჟურნალისტური კარიერის განმავლობაში ის გახდა ათეული სპორტული ტელეპროგრამის წამყვანი და რამდენიმე დოკუმენტური ფილმის ავტორი. ახლა გრიგორი თავის გამოცდილებას აზიარებს – ის ასწავლის მოსკოვის სახელმწიფო უნივერსიტეტსა და მოსკოვის საერთაშორისო აკადემიაში.

გრიგორის ვაჟი – გივი – მამის კვალს მისდევს: ის რუსულ ტელევიზიაზე სპორტულ ამბებს ატარებს.