თბილისი მიიღებს ახალ აეროპორტს

თბილისში, ვაზიანის ყოფილი აეროდრომის ტერიტორიაზე, აშენდება, დაახლოებით, $1,3 მლრდ-ის ღირებულების ახალი საერთაშორისო აეროპორტი, რომელიც სრულად დააკმაყოფილებს უმაღლეს თანამედროვე სტანდარტებს. მთავრობის გეგმების მიხედვით, ახალი აეროპორტის პროექტის გენერალური გეგმა 2025 წლის ბოლომდე იქნება მზად, ხოლო 2028 წლის ბოლოს კი შესაძლებელი იქნება პირველი რეისების განხორციელება.

ეკონომიკური საბჭოს სხდომაზე განიხილებოდა მგზავრთა ნაკადის გაზრდის ორი ვარიანტი: არსებული თბილისის საერთაშორისო აეროპორტის გაფართოება ან ახლის აშენება. პირველი ვარიანტი უარყოფილ იქნა, რადგან ის გაზრდიდა მგზავრთა ნაკადს მაქსიმუმ 15 მლნ ადამიანამდე შემდგომი გაფართოების პერსპექტივის გარეშე.