თბილისის ქუჩას ილუზიონისტის სახელი დაარქვეს

თბილისის ერთ-ერთ ქუჩას დაერქვა ცნობილი ქართველი ილუზიონისტის ზურაბ ვადაჭკორიას სახელი. ის მდებარეობს ჩუღურეთის რაიონში, სადაც არტისტი ცხოვრობდა. ცერემონიას თბილისის საკრებულოს წარმომადგენლები, ილუზიონისტის ოჯახის წევრები და მეგობრები ესწრებოდნენ. ზურაბ ვადაჭკორია 2018 წლის 1 მარტს 57 წლის ასაკში გარდაიცვალა.

ვადაჭკორია ყველაზე ცნობილია ჰარი ჰუდინის ცნობილი ილეთის „ხელბორკილებიდან განთავისუფლების“ გამეორებით. 2003 წელს თვალდახუჭული ილუზიონისტი თბილისში, მეტეხის ხიდთან, ფოლადის ყუთში მდინარე მტკავში ჩაუშვეს. წყალში ექვსი წუთის განმავლობაში ყოფნისას მან შეძლო თავის დაღწევა, ყუთიდან გამოსვლა და ნაპირისკენ გაცურვა, საიდანაც მას რამდენიმე ათასი მაყურებელი ადევნებდა თვალს.