ვალუტის ოფიციალური კურსი
USD2.650.00%
EUR2.88+0.29%

თბილისში მუსიკალური ფესტივალი გაიმართება

21 მაისი, 2023

30 მაისიდან 7 ივნისამდე საქართველოს დედაქალაქში პირველად გაიმართება თორაძის სახელობის საერთაშორისო მუსიკალური ფესტივალი. მასში მონაწილეობას მიიღებენ ცნობილი მუსიკოსები, მათ შორის, პიანისტები ვლადიმერ ფელცმანი, მატი რაეკალიო და სივონ კიმი, ვიოლონჩელისტი მოიზეს მოლინა, კონტრაბასისტი ბენჟამინ კროფუტი, ქართული ანსამბლი “ბასიანი”, თბილისის სიმფონიური ორკესტრი, პიანისტები ირმა სვანაძე, ედიშერ სავიცკი, ვახტანგ კოდანაშვილი, თამარ მიქელაძე და სხვა ვარსკვლავები.

კონცერტები გაიმართება თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრში, ვანო სარაჯიშვილის სახელობის თბილისის სახელმწიფო კონსერვატორიაში, ჯანსუღ კახიძის სახელობის მუსიკალურ და კულტურულ ცენტრში, სასტუმროში Rooms Hotel და ანზორ ერქომაიშვილის სახელობის საქართველოს ფოლკლორის სახელმწიფო ცენტრში. ღონისძიებაზე ასევე გაიმართება სხვადასხვა ვორქშოფები და მასტერკლასები ხელოვანებისგან.

ცნობილი ქართველი კომპოზიტორისა და პედაგოგის დავით თორაძისა და მისი ვაჟის, ვირტუოზი პიანისტის, ალექსანდრე (ლექსო) თორაძის სახელობის ფესტივალის მიზანია ახალგაზრდა მუსიკოსების გამოვლენა და მხარდაჭერა.

კომენტარის დატოვება

თქვენი ელფოსტის მისამართი გამოქვეყნებული არ იყო.

ამ საიტის გამოყენებით, თქვენ ეთანხმებით cookies-ის გამოყენების უფლებას.
© ყველა წესი დაცულია.