ტრაგედია მოსკოვში

მოსკოვის მახლობლად მდებარე საკონცერტო დარბაზში მომხდარმა ტრაგედიამ არ დატოვა მსოფლიო გულგრილი. რა მოხდა და რა მნიშვნელობა აქვს მომხდარს საქართველოსთვის, ვარჩევთ ჩვენს სტატიაში.

ტერაქტი მოსკოვში 22 მარტს, „კროკუს სითი ჰოლის“ საკონცერტო დარბაზში მოხდა. თავდამსხმელებმა მნახველები დაცხრილეს და ხანძარი გააჩინეს. ოფიციალური მონაცემებით, ამ დროისთვის დაღუპულია 143 ადამიანი, მათ შორის, სამი ბავშვი. ასზე მეტი დაზარალებული საავადმყოფოებში რჩება.

არაადამიანურმა თავდასხმამ მთელი მსოფლიო საზოგადოება შოკში ჩააგდო. ხალხი მთელი მსოფლიოდან სამძიმარს უცხადებს რუს ხალხს.

ტერორისტული აქტი საქართველოს მთავრობამაც დაგმო: „საქართველოს მთავრობა გმობს მოსკოვში მომხდარ შემზარავ ტერორისტულ აქტს, რომლის შედეგად ათეულობით უდანაშაულო ადამიანი დაიღუპა. ვუსამძიმრებთ რუს ხალხს. ვუსამძიმრებთ დაღუპულების ოჯახებს. დაშავებულებს მალე გამოჯანმრთელებას ვუსურვებთ”, – ნათქვამია საქართველოს მინისტრთა კაბინეტის განცხადებაში.

გარდა ამისა, ათობით ადამიანმა ბათუმსა და თბილისში მიიტანა ყვავილები, საბავშვო სათამაშოები და სანთლები სტიქიურ მემორიალთან, რომელიც შვეიცარიის საელჩოს რფ-ს ინტერესების განყოფილების შენობასთან და მედეას ძეგლთან მდებარეობს.

ტერაქტის  ოთხმა ადამიანმა განახორციელა. ისინი უკრაინის საზღვრიდან ას კილომეტრში დააკავეს. ყველა დაკავებული ამტკიცებს, რომ მშვიდობიანი მოსახლეობის დაცხრილვაში მონაწილეობის მიღების შეთავაზება ინტერნეტის საშუალებით მოვიდა. ასზე მეტი ადამიანის სიცოცხლე ხუთასი ათასი რუბლით შეფასდა. მასობრივი მკვლელობისთვის დაკავებულებს ასეთი ფული დაჰპირდნენ.

რუსეთის ლიდერმა ერს სიტყვით მიმართა, სადაც ტერაქტში ყველა პასუხისმგებელი და მონაწილე პირის დასჯის დაპირება მისცა.

ამ ვითარებაში საინტერესოა დასავლეთის პოზიცია. ჯერ კიდევ მარტის დასაწყისში აშშ-სა და დიდი ბრიტანეთის საელჩოებმა გააფრთხილეს თავიანთი მოქალაქეები სავარაუდო თავდასხმების შესახებ და როგორც კი გაჩნდა პირველი ინფორმაცია მომხდარის შესახებ ამერიკულმა და ინგლისურმა მასმედიამ – Reuters-მა და NYT-მა – დაიწყო ინფორმაციის გავრცელება, რომ ტერორისტულ თავდასხმაზე პასუხისმგებლობა აიღო მრავალ ქვეყანაში აკრძალულმა ტერორისტულმა ორგანიზაციამ „ისლამური სახელმწიფო“.

რა იყო ეს? და რა თამაშს თამაშობს დასავლური სამყარო, როდესაც მაგიდაზეა ასობით უდანაშაულო მშვიდობიანი მოქალაქის სიცოცხლე?