შარმ-ელ-შეიხში (ეგვიპტე) გამართულ კონგრესზე ფარიკაობის საერთაშორისო ფედერაციამ საქართველოს მოფარიკავეთა ნაკრების ლიდერი სანდრო ბაზაძე 2022/2023 წლების საუკეთესო მოფარიკავედ აღიარა. ეს პირველი ასეთი მიღწევაა ქართული ფარიკაობის ისტორიაში. გარდა ამისა, 2025 წელს თბილისი, კონგრესის დელეგატების გადაწყვეტილებით, ფარიკაობის მსოფლიო ჩემპიონატს უმასპინძლებს. 134 დელეგატიდან იდეას 120-მა დაუჭირა მხარი.
სანდრო ბაზაძეს რამდენიმე ოქროს მედალი აქვს, ასევე წელს მან ევროპის ჩემპიონატის ოქრო მოიპოვა. მსოფლიო ჩემპიონატზე საქართველოს მოფარიკავეთა ნაკრების ლიდერმა ვერცხლი მოიპოვა. 2023 წლის მარტიდან სანდრო ბაზაძემ მოფარიკავეთა მსოფლიო რეიტინგის ლიდერობაც მოახერხა.
კომენტარის დატოვება