ახალი წლიდან პენსიები და ხელფასები იზრდება

2024 წლის 1 იანვრიდან საქართველოში 70 წლამდე ასაკის მოქალაქეებისთვის სახელმწიფო პენსიის ოდენობა 20 ლარით გაიზარდა და 315 ლარს შეადგენს, ხოლო მაღალმთიან დასახლებებში – 380 ლარს. 70 წელს გადაცილებული მოქალაქეებისთვის პენსია 50 ლარით გაიზარდა და 415 ლარს შეადგენს, მაღალმთიან დასახლებებში კი – 490 ლარს.

ასევე ახალი წლიდან 10%-ით გაიზარდა სახელმწიფო ან მუნიციპალური ბიუჯეტიდან ანაზღაურების მიმღები მუშაკების, მათ შორის, სამხედრო და პოლიციის თანამშრომლების ხელფასები.

გარდა ამისა, 500 ლარამდე გაიზარდა მასწავლებელთა ხელფასები. სრული დატვირთვით მომუშავე მასწავლებლები მაქსიმალურ ხელფასს მიიღებენ.