ახალი გადასახადი საქართველოს სასტუმროებში ცხოვრებაზე

უცხოელი ტურისტებისთვის დღეში ერთი ლარის ოდენობის გადასახადის შემოღება საქართველოს სასტუმროებში ცხოვრებაზე საქართველოს ტურიზმის განვითარების ინსტიტუტის მიერ იქნა შემოთავაზებული. განცხადების თანახმად, გადასახადების აკრეფიდან შემოსულ ფულს ქალაქებისა და სოფლების განვითარებაზე დახარჯავენ.

ტურიზმის ინსტიტუტის მიერ ბათუმისა და ქობულეთის სასტუმროების წარმომადგენლებს შორის ჩატარებული გამოკითხვის შედეგების მიხედვით, რესპონდენტთა 52% მიესალმება იდეას და თვლის, რომ გადასახადის აკრეფა დადებითად აისახება ტურისტული სექტორის განვითარებაზე. ანგარიშს ახალი ინიციატივის შესახებ ტურიზმის ინსტიტუტი ივლისის ბოლომდე მოამზადებს, რის შემდეგაც დოკუმენტი საზოგადოებას გადაეცემა. შესაბამისი ცვლილებები შემდეგ პარლამენტში იქნება განხილული.