ბაქოს ტურნირის ბოლო დღემ საქართველოს ორი მედალი მოუტანა

საქართველოს ძიუდოს ფედერაციის ინფორმაციით, ბაქოში გამართული გრანდ სლემის ტურნირის დასკვნით დღეს საქართველოს ძიუდოს ნაკრებმა ორი მედალი მოიპოვა. 100 კგ-მდე წონით კატეგორიაში მოასპარეზე ქართველმა სპორტსმენმა ილია სულამანიძემ რუსი სპორტსმენი მატვეი კანიკოვსკი დაამარცხა და ჩვენს ქვეყანას ოქროს მედალი მოუტანა. მძიმეწონოსანმა გურამ თუშიშვილმა ფინალში ინალ ტასოევთან დამარცხდა და ვერცხლი მოიპოვა.

ბოლო დღეს სოფია სომხიშვილმა, ერეკლე ბაზიერიშვილმა, ვლადიმერ ახალკაცმა და თორნიკე ფოლადიშვილმა ტურნირი ადრეულ ეტაპზე დატოვეს. საქართველოს ნაკრებს წელს მხოლოდ სამი მედალი აქვს.