საქართველოში შეიძლება, ღვინო და ყურძენი გაძვირდეს

კახეთის რეგიონში ძლიერი სეტყვის შედეგად ვენახების მნიშვნელოვანი ნაწილის განადგურების გამო საქართველოში მოსალოდნელია ღვინოსა და ყურძენზე ფასების მატება. ამის შესახებ კომპანია “ნეკრესის” ერთ-ერთმა დამფუძნებელმა ოთო ტაბატაძემ განაცხადა. მისი თქმით, ისინი ვერ შეძლებენ იმ მოცულობის წარმოებას, რაც წელს დაგეგმილი ჰქონდათ, რადგან ელიტური ღვინის ჯიშებისთვის ყურძნის დეფიციტი იქნება.

ამ წლის ღვინო მხოლოდ მომავალ წელს დაიწყებს გამოსვლას, ამიტომ ფასების მყისიერი მატება არ არის მოსალოდნელი. ვითარება ბაზარზე ძალიან შესამჩნევი გახდება, თუ მსგავსი მოუსავლიანობა მომავალ წელსაც განმეორდება.