ბაკურიანში გაჩნდება სათხილამურო და ბიატლონის ტრასა

საქართველოს სამთო-სათხილამურო კურორტ ბაკურიანში სათხილამურო და ბიატლონის ტრასა აღიჭურვება. შესაბამისი პროექტი მოამზადა კომპანია „გლობალ პროექტმა“. პროექტის ფარგლებში აღიჭურვება სასროლი მოედანი, ასევე გაყვანილი იქნება წყალმომარაგების, ელექტროენერგიის მიწოდებისა და ტრასის ხელოვნური დათოვლის სისტემა.

„მუნიციპალური განვითარების ფონდმა“ უკვე გამოაცხადა ტენდერი შესაბამისი ინფრასტრუქტურული სამუშაოების მშენებლობასა და ჩატარებაზე. სამუშაოების ღირებულება შეადგენს 16,6 მილიონ ლარზე მეტს. შემოთავაზებები მიიღება 28 თებერვლიდან 4 მარტამდე.