ბათუმის ბულვარზე ველობილიკს გაანახლებენ

ბათუმში დაიწყო ბათუმის ბულვარის ველობილიკის რეკონსტრუქციის მასშტაბური სამუშაოები. მისი საერთო სიგრძე ექვსი კილომეტრია, სარემონტო სამუშაოები აჭარაში ზაფხულის ტურისტული სეზონის დაწყებამდე დასრულდება. თანამედროვე სტანდარტების შესაბამისად, ველობილიკი დაიფარება მონოლითური რკინაბეტონის ფენილით.

ქალაქის მერიაში განაცხადეს, რომ სარემონტო სამუშაოების დროს ველობილიკის გარკვეულ მონაკვეთებზე მოძრაობა შეიზღუდება.

ველობილიკი გადაჭიმულია ბათუმის მთელ ბულვარზე საზღვაო პორტიდან აეროპორტამდე და მიმზიდველი მარშრუტია ორბორბლიანი ტრანსპორტის მოყვარულთათვის.