ბათუმის “გმირთა ხეივანი” თითქმის მზადაა

საქართველოს ინფრასტრუქტურისა და რეგიონული განვითარების სამინისტრომ განაცხადა, რომ   სარემონტო სამუშაოები ბათუმის “გმირთა ხეივანზე” თითქმის დასრულებულია. ხეივნის კეთილმოწყობა უკვე დასრულებულია, ამჟამად კი მიმდინარეობს ხიდების გადახურვაზე მუშაობა. ტურისტული სეზონის დასაწყისისთვის კურორტის მცხოვრებლებსა და სტუმრებს შეეძლებათ ახალი დასასვენებელი ზონის დათვალიერება. სულ ხეივნის განახლებაზე ქალაქის ბიუჯეტიდან 23,8 მლნ ლარი დაიხარჯა.

ხეივნის ტერიტორია, რომლის სიგრძე 1 კილომეტრზე მეტია, აღჭურვილია საქვეითო ბილიკებითა და ხეივნის სხვადასხვა მონაკვეთების დამაკავშირებელი საქვეითო ხიდებით. დაყენებულია ფანრები, სკამები, შადრევნები, ველოსიპედის სადგომები, სანაგვე ურნები და სხვადასხვა ინსტალაციები. ასევე ჩატარდა ხეივნის გამწვანების სამუშაოები, გაფორმებულია ყვავილნარები და დარგულია ახალი მცენარეები.