ჭიათურის რაიონში კლდეზე ცოცვის ფესტივალი გაიმართება

ამ შაბათ-კვირას, 15 და 16 ივლისს, სოფელ სვერის სათავგადასავლო ბანაკში გაიმართება კლდეზე ცოცვის ფესტივალი კემპინგით, კოცონთან მუსიკით, პიკნიკებითა და თამაშებით. მონაწილეობენ როგორც პროფესიონალები, ისე მოყვარულებიც, თუმცა აუცილებელი პირობაა 14 წელზე მეტი ასაკი, სრული ეკიპირება და სადაზღვევო მოწყობილობით ცოცვის გამოცდილება.

ღონისძიების მონაწილეთა რეგისტრაცია კვირის შუა რიცხვებში დასრულდა. შეჯიბრების დღეს ყველა მათგანი უზრუნველყოფილი იქნება უფასო ხილით, ტკბილეულით, წყლითა და ენერგეტიკული სასმელებით. ყველა სტუმრისთვის ბანაკის ტერიტორიაზე ხელმისაწვდომი იქნება საჭმელი და სასმელი.