დევისმა და სმოლკინმა ასტანაში გაიმარჯვეს

ფიგურულმა მოციგურავეებმა დიანა დევისმა და გლებ სმოლკინმა, რომლებიც საქართველოს წარმოადგენენ, კიდევ ერთი გამარჯვება მოიპოვეს – ისინი პირველები გახდნენ ასტანაში დენის ტენის მემორიალის ტურნირზე, რომელიც “ჩელენჯერის“ სერიის ფარგლებში ტარდება. ორი პროგრამის ჯამიდან გამომდინარე დუეტმა სპორტულ ცეკვაში 192,67 ქულა ააგროვა.

ჩვენი ნაკრების სხვა წარმომადგენლებს შორის ტურნირზე მედლები ნიკა ეგაძემ, კონსტანტინე სუპატაშვილმა, მარია ალიევამ და ეგორ ბარშაკმა (ვერცხლი), ალინა ურუშაძემ (ბრინჯაო) მოიპოვეს.

ვულოცავთ და ვამაყობთ!