ვალუტის ოფიციალური კურსი
USD2.87+0.17%
EUR3.08–0.49%

დრამატურგი ოზურგეთიდან

23 დეკემბერი, 2023

23 დეკემბერს ვლადიმერ ნემიროვიჩ-დანჩენკოს დაბადებიდან 165 წელი სრულდება. გამოჩენილმა საბჭოთა თეატრის რეჟისორმა, დრამატურგმა და კრიტიკოსმა შემოქმედებითი კარიერა საქართველოში დაიწყო: აქ მან შექმნა თავისი პირველი პიესები და დადგა პირველი სპექტაკლები.

ვლადიმერ ნემიროვიჩ-დანჩენკო დაიბადა ოზურგეთში. მოგვიანებით მისი ოჯახი საცხოვრებლად ტიფლისში გადავიდა, სადაც მან გიმნაზიაში ჩააბარა. მომავალი რეჟისორი იღებდა კარგ ნიშნებს და ყოველთვის პოულობდა დროს საყვარელი გატაცებისთვის – თეატრისთვის.

გიმნაზიაში სწავლის დროს ვლადიმერ ივანეს ძე თავის მეგობარ ალექსანდრე სუმბატოვ-იუჟინთან (ნამდვილი გვარი – სუმბათაშვილი) ერთად ქირაობდა პატარა ბინას ქალაქის გარეუბანში, სადაც ახალგაზრდები წერდნენ პიესებს და მართავდნენ წარმოდგენებს მეგობრებისთვისა და ნაცნობებისთვის. მაშინ ცოტა ვინმეს თუ შეეძლო იმის წარმოდგენა, რომ ალექსანდრე და ვლადიმერი მოგვიანებით გახდებოდნენ რუსეთისა და საბჭოთა კავშირის უდიდესი თეატრალური მოღვაწეები.

ქართველებს ახსოვთ თანამემამულე და ამაყობენ მისით. ნემიროვიჩ-დანჩენკოს შვილიშვილი ვასილი იხსენებს: „საქართველოში, ქუთაისის გუბერნიის ქალაქ ოზურგეთთან, მდინარე ბჟუჟეს სოფელ შემოქმედში, ადგილობრივი მოსახლეობა ძალიან კარგად ეპყრობოდა ჩემს დიდ ბაბუას. მფლობელმა – თავადმა ანტონ დუმბაძემ – იმ სახლს, სადაც ის ცხოვრობდა, კოშკიანი ფლიგელიც კი მიაშენა. ძალიან ლამაზი ადგილია”.

ვლადიმერ ივანეს ძის შვილიშვილი ასევე ამაყობს იმით, რომ რეჟისორის 100 წლის იუბილეზე შემოქმედში, თავადი დუმბაძის სახლში გაიხსნა ნემიროვიჩ-დანჩენკოს მუზეუმი, ხოლო ოზურგეთში ქუჩას მისი პაპის პატივსაცემად დაარქვეს.

კომენტარის დატოვება

თქვენი ელფოსტის მისამართი გამოქვეყნებული არ იყო.

ამ საიტის გამოყენებით, თქვენ ეთანხმებით cookies-ის გამოყენების უფლებას.
© ყველა წესი დაცულია.