ერთ სულ მოსახლეზე ვენახების სიმჭიდროვით საქართველო მსოფლიოში მეოთხეა

ამერიკის ღვინის ეკონომისტთა ასოციაციის (AAWE) მიხედვით, ერთ სულ მოსახლეზე ვენახის ფართობით საქართველო მსოფლიოში მეოთხე ადგილზეა. 2021 წლის მონაცემებით, საქართველოს 100 მოსახლეზე 1,32 ჰა ვენახია, ეს არის 132 კვ. მ ერთ სულ მოსახლეზე. ეს მაჩვენებელი უფრო მაღალია, ვიდრე იტალიაში, სადაც ერთ ადამიანზე 121 კვ. მ ვენახია.

რეიტინგის პირველ სამეულში შევიდა მოლდოვა ვენახის ფართობით 4 ჰა 100 ადამიანზე, ესპანეთი – 2,03 ჰა-თი 100 ადამიანზე და პორტუგალია – 1,89 ჰა-თი 100 ადამიანზე. საერთო ჯამში, სიაში 40-ზე მეტი ღვინის მწარმოებელი ქვეყანა შევიდა.