“გასტრო ბათუმი” მნიშვნელოვან სტუმრებს ელოდება

3-დან 5 დეკემბრის ჩათვლით ბათუმში გაიმართება პირველი საერთაშორისო გასტრონომიული ფორუმი “გასტრო ბათუმი”, რომელიც რეგიონში ტურიზმის განვითარებაზე მიმართული. აჭარის ტურიზმისა და კურორტების დეპარტამენტის ინფორმაციით, ღონისძიებაში მიიღებენ მონაწილეობას მიშლენის ვარსკვლავიანი რესტორნების შეფ-მზარეულები საფრანგეთიდან და ბელგიიდან.

აღნიშნულია, რომ ფორუმის ფარგლებში შეფ-მზარეულები საქართველოდან, თურქეთიდან და ევროპის ქვეყნებიდან ჩაატარებენ მასტერკლასებს და გაცვლიან გამოცდილებას. გარდა ამისა, დაგეგმილია ვიდეო რეცეპტების ჩაწერა და ინდუსტრიის ძირითად თემებზე დისკუსიების ჩატარება.