საქართველო ნიჭიერი ადამიანების სამშობლოა

ჩვენმა ქვეყანამ მსოფლიოს მრავალი შესანიშნავი მუსიკოსი, მხატვარი და მწერალი აჩუქა. ისინი გამოდიან მსოფლიოს უდიდეს დარბაზებში და დაიმსახურეს სხვადასხვა ქვეყნის ხალხის აღიარება და სიყვარული.

თვალსაჩინო მაგალითი გახდა ეთერი ბერიაშვილი – ქართველი მომღერალი, მიუზიკლის „მამა მიას!“-ს მსახიობი, კომპოზიტორი და მოსკოვის კულტურის სახელმწიფო ინსტიტუტის ესტრადისა და ჯაზის სიმღერის განყოფილების მასწავლებელი.

ეთერი საქართველოში გაიზარდა. სითბოსა და სიკეთის ატმოსფეროში გატარებულმა ბავშვობამ კვალი დატოვა მის შესრულების სტილზე. მომღერალი თვლის, რომ შეუძლებელია იყო სევდიანი და მოღუშული, თუ ამ მზიან მხარეში – საქართველოში – ცხოვრობ.

ბუნებრივი ნიჭის მიუხედავად, მას მაშინვე არ დაუწყია პროფესიონალურად სიმღერა. მშობლები დაჟინებით ითხოვდნენ, რომ ეთერის სეჩენოვის სახელობის მოსკოვის სახელმწიფო სამედიცინო უნივერსიტეტი დაემთავრებინა. მაგრამ მომავალ მომღერალს ექიმის დიპლომი არ გამოადგა – მან მტკიცედ გადაწყვიტა ადამიანის სულების მუსიკით განკურნვა.

დღეს ეთერი ბერიაშვილი არის ჯაზის ვოკალის ოსტატი და ცნობილი მომღერალი, რომელიც გამოდის რუსეთის საუკეთესო სცენებზე. 20-წლიანი კარიერის განმავლობაში მან ბევრი თაყვანისმცემელი მოიპოვა.