Georgian Airways ევროზე მიფრინავს

წინა კვირას ქართულმა ავიაკომპანიამ Georgian Airways-მა დაიწყო სპეციალურ რეისებზე ბილეთების გაყიდვა, რომლებიც ამოქმედდება გერმანიაში ევრო 2024-ზე საქართველოს ნაკრების მატჩებზე გულშემატკივრების გადასაყვანად. ბილეთების მინიმალურმა ღირებულებამ 295 ევრო შეადგინა.

ჯერჯერობით რეისები დაანონსებულია კონტინენტის პირველობის ჯგუფური ეტაპის მატჩებზე: თბილისი–დორტმუნდ–თბილისი 17 და 19 ივნისს; თბილისი–ჰამბურგი–თბილისი 21 და 23 ივნისს; თბილისი–დიუსელდორფი–თბილისი 25 და 27 ივნისს.

საქართველოს ნაკრები პირველად გავიდა ფეხბურთის ევროპის ჩემპიონატზე, სადაც პორტუგალიის, ჩეხეთისა და თურქეთის გუნდებს დაუპირისპირდება.