ყოვლადწმინდა ღვთისმშობლის ხარება

7 აპრილს ქრისტიანები აღნიშნავენ ერთ-ერთს 12 მთავარი მართლმადიდებლური დღესასწაულიდან – ყოვლადწმინდა ღვთისმშობლის ხარებას.

გადმოცემის თანახმად, ამ დღეს ნაზარეთში ღვთისმშობელს გამოეცხადა მთავარანგელოზი გაბრიელი და კარგი ამბავი მოუტანა, რომ მას შეეძინება ძე ღვთისა და კაცობრიობის მხსნელი.

ერთ-ერთი ვერსიით, ეს დღესასწაული IV საუკუნის შუა ხანებში იერუსალიმის მთავარეპისკოპოსმა წმინდა კირილემ დააწესა. სხვა თეორიის მიხედვით, ხარებას ჯერ კიდევ III საუკუნეში აღნიშნავდნენ.

ამ დღეს მკაცრი დიდი მარხვა მსუბუქდება – ქრისტიანებისთვის ნებადართულია თევზის ჭამა. ასეთი შემსუბუქება კეთდება მხოლოდ ორჯერ – ხარებასა და უფლის იერუსალიმში შესვლის დღესასწაულზე (ბზობას).

ასევე ამ დღეს მორწმუნეები მოდიან ეკლესიებში სადღესასწაულო წირვაზე. ყოვლადწმინდა ღვთისმშობლის ხარებას მიძღვნილი ტაძრები მთელ მსოფლიოში მდებარეობს. მაგალითად, მოსკოვში ჩვენი თანამემამულეები ტრადიციულად მიდიან წირვაზე წმინდა გიორგის ტაძარში გრუზინებში.