გიორგი ლორია კვლავ “დინამოშია”

საქართველოს საფეხბურთო ნაკრების 37 წლის მეკარე გიორგი ლორია უცხოურ კლუბებში 9–წლიანი მუშაობის შემდეგ მშობლიურ თბილისის “დინამოში” ბრუნდება. ბოლო 4 წელი ჩვენი მეკარე კვიპროსულ “ანორთოსისში” თამაშობდა, სადაც კაპიტანი იყო. ახალ სეზონში ფეხბურთელი კვლავ დაიცავს დედაქალაქური კლუბის კარებს.

აღნიშნულია, რომ ახალი კონტრაქტი, რომელიც ლორიამ უკვე გააფორმა კვიპროსელებთან, კლუბში მომხდარი საკადრო ცვლილებების შემდეგ შეწყდა. ამ მოვლენების შემდეგ მეკარემ მიიღო კარიერის მშობლიურ გუნდში გაგრძელების გადაწყვეტილება.