ჰაერის ხარისხით საქართველომ 62-ე ადგილი დაიკავა

საქართველოში ჰაერის დაბინძურების დონე ნორმას 3-5-ჯერ აჭარბებს. IQAir-ის რეიტინგის მიხედვით, ქვეყანა ამ მაჩვენებლით 134 ქვეყანას შორის 62-ე ადგილზეა. ჰაერის ყველაზე დიდი დაბინძურება ფიქსირდება ბანგლადეშში, პაკისტანსა და ინდოეთში, სადაც დაბინძურების დონე ნორმას 10-ზე მეტჯერ აღემატება.

მხოლოდ შვიდ ქვეყანას აქვს ჰაერის ხარისხი, რომელიც აკმაყოფილებს მსოფლიო ჯანდაცვის ორგანიზაციის სტანდარტებს. პლანეტის ყველაზე სუფთა ჰაერით სარგებლობენ მავრიკი, გრენადა, ისლანდია, ახალი ზელანდია, ავსტრალია, ესტონეთი და ფინეთი.