ვალუტის ოფიციალური კურსი
USD2.670.00%
EUR2.83–0.16%

იარაღის უკანონო შენახვის ბრალდებით საქართველოში 20 ადამიანი დააკავეს

15 თებერვალი, 2024

ბოლო ხნის განმავლობაში საქართველოს პოლიციამ დედაქალაქსა და რეგიონებში იარაღისა და საბრძოლო მასალის უკანონო შენახვის, შეძენისა და ტარების ბრალდებით 20 ადამიანი დააკავა. უწყების ცნობით, დაკავებულთაგან ყველაზე უფროსი 80 წლისაა, უმცროსი კი – 29-ის, ბევრი მათგანი უკვე იყო ნასამართლევი. დაკავებები განხორციელდა ქვეყნის სხვადასხვა რეგიონში, მათ შორის, თბილისში, იმერეთში, კახეთში, გურიაში, მცხეთა-მთიანეთში, სამეგრელო-ზემო სვანეთსა და შიდა ქართლში.

ჩხრეკის დროს პოლიციის მიერ ჩამორთმეული იქნა ათობით ცეცხლსასროლი იარაღი, მათ შორის, რევოლვერები, თოფები, ავტომატები, ხელყუმბარები, პისტოლეტები და ასევე სხვადასხვა კალიბრის ასობით ვაზნა. განსაკუთრებით დიდი ოდენობის ვაზნა მცხეთა-მთიანეთის 41 წლის მაცხოვრებელს აღმოაჩნდა, რომელსაც პოლიციამ ჩამოართვა 733 ვაზნა, ორი იარაღი, 20 მჭიდე და სხვა ცეცხლსასროლი იარაღი. ბრალის დამტკიცების შემთხვევაში დაკავებულებს 3-დან 7 წლამდე თავისუფლების აღკვეთა ემუქრებათ.

კომენტარის დატოვება

თქვენი ელფოსტის მისამართი გამოქვეყნებული არ იყო.

ამ საიტის გამოყენებით, თქვენ ეთანხმებით cookies-ის გამოყენების უფლებას.
© ყველა წესი დაცულია.