ინდურმა გამოცემამ საქართველო მოგზაურობისთვის საუკეთესო ადგილად დაასახელა

ტურიზმის ეროვნულმა სააგენტომ განაცხადა, რომ, პოპულარული ინგლისურენოვანი ინდური გამოცემის The Times of India-ს მიხედვით, საქართველომ დაიკავა პირველი ადგილი მსოფლიოს საუკეთესო ტურისტული მიმართულებების სიაში. რეიტინგში ასევე მოხვდა ისეთი ქვეყნები, როგორებიცაა ბუტანი, შრი-ლანკა, ომანი და მადაგასკარი.

სტატიაში ნათქვამია, რომ საქართველო მდებარეობს ევროპისა და აზიის შეერთების ადგილზე და აქვს საოცარი ბუნება თოვლით დაფარულ კავკასიონის მთებთან ერთად. ქვეყანაში ტურისტებს შეხვდებათ უძველესი ტაძრები, ეროვნული სამზარეულო, მრავალფეროვანი ღვინო და სტუმართმოყვარე ქართველი ხალხი. თბილისი კი მიმზიდველია თავისი ისტორიული არქიტექტურით, მრავალფეროვანი ბაზრებითა და ხელოვნების შედევრებით.