ხაჭაპურის ინდექსი შეიცვალა

საქართველოში იანვრის თვის ხაჭაპურის ინდექსი დეკემბერთან შედარებით 2%-ით გაიზარდა, მაგრამ 2023 წლის იანვართან შედარებით 4,6%-ით შემცირდა. წინა თვეში ერთი იმერული ხაჭაპურის მომზადების საშუალო ღირებულებამ 6,62 ლარი შეადგინა. ღირებულების მატება დაკავშირებულია საფუარის, რძის, კარაქისა და კვერცხების გაძვირებასთან, რომლებიც დამზადებისთვის გამოიყენება.

ათი წლის წინ ხაჭაპურის მომზადება თითქმის ორჯერ ნაკლები – 3,66 ლარი – ღირდა. ყველაზე მაღალი ინდექსი 2022 წლის დეკემბერში დაფიქსირდა – 6,99 ლარი.

ხაჭაპურის ინდექსი ყოველთვიურად იზომება თბილისის სახელმწიფო უნივერსიტეტის ეკონომიკის საერთაშორისო სკოლის (ISET) მიერ.