მოდური დინასტია ქართული ფესვებით

თბილისში გაიხსნა ახალი მოდური უნივერმაგი – Boygar’s. მასში წარმოდგენილია ტანსაცმლის, აქსესუარებისა და სამკაულების პრემიუმ ბრენდების უმეტესობა.

საქართველოში პირველი მრავალსართულიანი კონცეპტ-სტორის გახსნის იდეა გაუჩნდა კომპანიას, რომელიც ეკუთვნის ავსაჯანაშვილების ოჯახს.

მაღაზია საბჭოთა ბალეტის მოცეკვავისა და საოჯახო ბიზნესის დამფუძნებლის ბოიგარ ავსაჯანაშვილის სახელს ატარებს. 1988 წელს მან ლენინგრადში მოაწყო კოოპერატივი „პეპელა“, რომელმაც სსრკ-ის დასასრულს ქალაქის მოდურ და კულტურულ ცხოვრებას მეორე სიცოცხლე შესძინა. ქმრის მერე ხუთი წლის შემდეგ მოდურ ბიზნესში მოვიდა მისი მეუღლე – სვეტლანა ვაჟას ასული. შემდეგ გაიზარდნენ და საოჯახო საქმეს შეუერთდნენ მათი შვილები – ხადიჯათი (ხათულია) და თემური.

35 წლის განმავლობაში საოჯახო კომპანია Babochka გადაიქცა სანქტ-პეტერბურგში ნამდვილ მოდის იმპერიად. ახლა ის მოიცავს ბევრ პოპულარულ ბუტიკსა და ბრენდულ მაღაზიას. კომპანიის მთავარი უპირატესობაა მრავალწლიანი საქმიანი და მეგობრული კონტაქტები მსოფლიოს წამყვან მოდის სახლებთან: დღეს Babochka-ს მაღაზია-შოურუმში 200-ზე მეტი ბრენდია წარმოდგენილი.

ისტორიულ სამშობლოში მაღაზიის გახსნა ავსაჯანაშვილების ოჯახისთვის ამაღელვებელი და ძალიან მნიშვნელოვანი ნაბიჯი გახდა. როგორც მოდის დინასტიის წევრები აღნიშნავენ, მათი ქართულ მიწაზე გამოჩენა უფრო მათი ფესვებისა და წარმომავლობისკენ დაბრუნებაა, რადგან ისინი ყველა საქართველოდან არიან.