“მგზავრები” თბილისში გამოვა

7 ოქტომბერს დედაქალაქის MONO HALL-ის დარბაზში ჯგუფი “მგზავრების” ორსაათიანი კონცერტი გაიმართება. მუსიკოსები წარადგენენ თავიანთ ახალ ალბომს Kamara-ს ბავშვობის ყველაზე ბედნიერი და ძვირფასი მოგონებების შესახებ და ასევე შეასრულებენ გასული წლების პოპულარულ ჰიტებს. ჯგუფამდე ქართველი დიჯეი Dicho გამოვა, რომელიც კონცერტის დასრულების შემდეგაც გააგრძელებს გამოსვლას.

ჯგუფი “მგზავრები” 2006 წელს ვოკალისტმა გიგი დედალამაზიშვილმა დააარსა. 2008 წელს გამოსული მუსიკოსების სადებიუტო ალბომი “მე მოვიგონე” პოპულარული გახდა ქართველ მსმენელებში.

“მგზავრების” გამორჩეული თვისებაა მისი ინდივიდუალური მუსიკალური სტილი, რომელიც აერთიანებს ფოლკლორულ რიტმს, მრავალხმიანობას, იმპროვიზაციას, თანამედროვე და კლასიკურ ელემენტებს.