ონკოდაავადებების მქონე ბავშვების სამკურნალოდ განაცხადების მიღება დაიწყო

ჯანდაცვის მინისტრმა ზურაბ აზარაშვილმა გამოაცხადა ონკოდაავადებების მქონე 18 წლამდე ბავშვების სამკურნალოდ განცხადების მიღების დაწყების შესახებ, რომლებსაც დიაგნოოსტირებული აქვთ ან ივარაუდება ავთვისებიანი სიმსივნე ან ნერვული სისტემის დაუზუსტებელი ორგანოების სიმსივნე. სახელმწიფო სრულად დააფინანსებს ბავშვების დიაგნოსტირებასა და მკურნალობას, მათ შორის საზღვარგარეთ თურქეთის, ისრაელისა და ესპანეთის კლინიკებში.

სპეციალური საბჭო გადაწყვეტილებას მიიღებს, თუ სად იმკურნალებს ბავშვი, საქართველოსა თუ უცხოეთში. დღესდღეობით ქვეყანაში 300 ონკოდაავადების მქონე ბავშვია. ამ პროექტისთვის ბიუჯეტიდან დაახლოებით 30 მილიონი ლარია გამოყოფილი. ადრე სახელმწიფოს მიერ გამოყოფილი იყო 10 მილიონი ლარი წელიწადში მკურნალობის ნაწილობრივ დასაფარად.