რა დაჯდება ელექტრონული არჩევნები საქართველოში?

ქვეყნის პრემიერ-მინისტრმა ირაკლი ღარიბაშვილმა განაცხადა, რომ ცენტრალურ საარჩევნო კომისიას სახელმწიფო ბიუჯეტიდან დამატებით 25 მლნ ლარი გამოეყოფა. ამგვარად, საერთო ჯამში, ცენტრალური საარჩევნო კომისია საქართველოში საპარლამენტო არჩევნების ელექტრონული ხმის მიცემის სისტემის გამოყენებით ჩასატარებლად მიიღებს 125 მილიონ ლარს (46,5 მლნ დოლარზე მეტი).

მორიგი საპარლამენტო არჩევნები საქართველოში 2024 წლის ოქტომბერში ჩატარდება. და მათზე პირველად ქვეყნის საარჩევნო უბნების 90%-ში გამოიყენება ელექტრონული ხმის მიცემის სისტემა. ამ მიზნით შემუშავდა ახალი ბიულეტენები, ხოლო შედეგები სპეციალური დამთვლელი აპარატის გამოყენებით დაითვლება. სატესტო რეჟიმში ეს სისტემა უკვე გამოსცადეს რამდენიმე რაიონში ამ წლის შემოდგომასა და გაზაფხულზე, ვადამდელი არჩევნების დროს.