რა შემოსავალი მოიტანა ქართულმა დერეფანმა?

თებერვალში, საქართველოს გზებზე ფურგონების ტრანზიტული გავლის წყალობით, ქვეყნის ბიუჯეტი თითქმის 14 მლნ ლარით შეივსო. ამ ხნის განმავლობაში საქართველოს დერეფნით 40 ათასამდე ფურგონმა ისარგებლა, რაც გასული წლის თებერვალთან შედარებით თითქმის 6 ათასით მეტია. 2024 წლის პირველი ორი თვის განმავლობაში შემოსავალმა საქართველოს დერეფნით სარგებლობიდან, დაახლოებით, 27,2 მლნ ლარი შეადგინა (2023 წელს – 24 მლნ ლარი).

საერთო ჯამში, წინა წელს საქართველოს გზებზე ტრანზიტულად 520 ათასამდე ფურგონმა გაიარა. შესაბამისმა შემოსავალმა, დაახლოებით, 182 მლნ ლარი შეადგინა, რაც 2022 წელთან შედარებით 42%-ით მეტია და ეს რეკორდული მაჩვენებელია. ამის მიზეზი 2023 წლის 20 ივნისიდან ფურგონების სატრანზიტო გადაადგილებისთვის გზების სარგებლობის 75%-ით – 200-დან 350 ლარამდე – გაძვირება გახდა.