რატომ მიდიან ტურისტები საქართველოში?

“საქსტატის” მონაცემებით, 2023 წლის მესამე კვარტალში ტურისტების რიცხვი გასულ წელთან შედარებით ქვეყანაში 19,4%-ით გაიზარდა და, დაახლოებით, 2,7 მილიონი ადამიანი შეადგინა. ვიზიტების ყველაზე გავრცელებული მიზეზი იყო დასვენება და გართობა (58,9%), ნათესავების მონახულება (17,3%) და ტრანზიტი სხვა ქვეყნებში (13,3%).

აღნიშნულ პერიოდში მოგზაურებმა საქართველოში, დაახლოებით, 4,8 მილიარდი ლარი (1,8 მლრდ დოლარი) დახარჯეს. ამ თანხის 42,3% დაიხარჯა განთავსებაზე, 22,1% – საყიდლებზე, 19% კი – საკვებსა და სასმელზე. სულ ამ წლის პირველი ცხრა თვის განმავლობაში ჩვენს ქვეყანაში საერთაშორისო ტურიზმიდან შემოსულმა შემოსავალმა რეკორდულ მაჩვენებელს – 3,3 მლრდ დოლარს – მიაღწია.