როგორაა საქმეები ინტერნეტთან საქართველოში?

კომუნიკაციების ეროვნული კომისიის მონაცემებით, საქართველოში თბილისი და აჭარა 100%-ითაა უზრუნველყოფილი ინტერნეტით. მცხეთა–მთიანეთის, ქვემო–ქართლის, სამცხე–ჯავახეთის, იმერეთისა და შიდა ქართლის რეგიონებში ინტერნეტი აქვს მოსახლეობის 70%-ზე მეტს, ხოლო სამეგრელო–ზემო სვანეთში, გურიასა და კახეთში – 50%–ს. ინტერნეტიზაციაში ყველაზე ჩამორჩენილია რაჭა–ლეჩხუმი–ქვემო სვანეთის რეგიონი, სადაც ინტერნეტი აქვს მოსახლეობის 16%-ს.

იანვრიდან მარტის პერიოდში თბილისში დაფიქსირდა 451,2 ათასი ფიქსირებული ინტერნეტის აბონენტი და 26,8 ათასი იურიდიული პირი, ხოლო აჭარაში – 105,9 ათასი მოქალაქე და 5,6 ათასი იურიდიული პირი.

2023 წლის პირველი კვარტალის განმავლობაში საქართველოს ხუთი ინტერნეტ პროვაიდერი კომპანიის მოგებამ 63,4 მილიონი ლარი შეადგინა. მათგან ყველაზე დიდია Magticom და Silknet, მათთან შეერთებულია ქვეყნის ყველა აბონენტის 90%.