“საბურთალოს” კლუბმა შეიძლება, ახალი სახელი აიღოს

“საბურთალოს” კლუბის პრეზიდენტმა ტარიელ ხეჩიკაშვილმა ტელეკომპანია “იმედის” ეთერში კლუბის სახელის “იბერია 1999-ით” შეცვლის სურვილი გამოაცხადა. მისი თქმით, ახალი სახელი უკეთ შეეფერება ევროპულ ბაზარს და კლუბს მეტი ყურადღების მიქცევის საშუალებას მისცემს. თუ ფეხბურთის ფედერაცია დაამტკიცებს ამ გადაწყვეტილებას, ის გამოყენებული იქნება მომავალ სეზონშიც და ევროპის თასზეც.

ხეჩიკაშვილმა ხაზგასმით აღნიშნა, რომ სახელთან დაკავშირებული ერთადერთი პრობლემა იყო შესაძლო დაბნეულობა სხვა კლუბთან “იბერია 2010-თან”. ამის თავიდან ასაცილებლად გადაწყდა ბოლოში რიცხვების დამატება.