საკალათბურთო ნაკრები თამაშებისთვის ემზადება

25 აგვისტოდან 10 სექტემბრის ჩათვლით ინდონეზიაში, იაპონიასა და ფილიპინებში გაიმართება ფიბა–ს მსოფლიო ჩემპიონატი, რომელშიც საქართველოს ნაკრებმა პირველად ისტორიაში მოიპოვა კვალიფიკაცია. კალათბურთის ფედერაციამ წინა კვირას დაანონსა მოსამზადებელი თამაშები ეგვიპტის, ლიეტუვას, ლატვიის, იორდანიის, ირანისა და მონტენეგროს ნაკრებებთან.

მატჩების განრიგი ასე გამოიყურება:

29 ივლისი – თამაში ეგვიპტის ნაკრების წინააღმდეგ

1 აგვისტო – ლიეტუვას გუნდის წინააღმდეგ

5 აგვისტო – ლატვიის მეტოქეების წინააღმდეგ

იორდანიის, ირანისა და მონტენეგროს გუნდებთან ჩვენი ნაკრები აგვისტოში თბილისში, მსოფლიო თასზე, ითამაშებს. საკონტროლო მატჩი ავსტრალიის ნაკრებთან 22 აგვისტოს ოკინავაში გაიმართება.