საქართველო ოლიმპიადისთვის ბრძოლაში

ფიბა–მ გადაანაწილა მინი საკვალიფიკაციო ტურნირების მონაწილეები, რომლის ფარგლებშიც გათამაშდება ოლიმპიური თამაშების საგზურები. მატჩებში, რომლებიც რიგაში გაიმართება, საქართველოს ეროვნული საკალათბურთო ნაკრები დაუპირისპირდება მეტოქეებს ლატვიასა და ფილიპინებიდან. შესარჩევი ტურნირი 2 ივლისიდან 7 ივლისის ჩათვლით გაიმართება.

ოლიმპიადაზე მოსახვედრად ქართველმა კალათბურთელებმა უნდა მოიგონ თავიანთ ჯგუფში, შემდეგ კი დაამარცხონ მეზობელი ჯგუფის გამარჯვებული, რომელშიც ერთმანეთს ბრაზილია, მონტენეგრო და კამერუნი ხვდება.

ოლიმპიური თამაშები გაიმართება პარიზში 2024 წლის 26 ივლისიდან 11 აგვისტოს ჩათვლით.