ცნობილი გახდა თბილისის 2024 წლის ბიუჯეტი

ქალაქის ფინანსური დოკუმენტის პირველადი პროექტის თანახმად, 2024 წელს თბილისის ბიუჯეტი 1,7 მილიარდ ლარს შეადგენს. მომავალ წელს შემოსავალი, დაახლოებით, 1,65 მილიარდ ლარს შეადგენს, საიდანაც 918,7 მილიონი გადასახადები და მოსაკრებლებია, ხოლო 446 მილიონი – გრანტები. ხარჯები 1,7 მილიარდი ლარით განისაზღვრა, რაც 2023 წელთან შედარებით 132 მილიონით ნაკლებია.

ძირითადი ხარჯები სატრანსპორტო ინფრასტრუქტურის აღდგენასა და მშენებლობაზე წავა, რაც 542,4 მილიონი ლარი დაჯდება. ინფრასტრუქტურული ობიექტების მშენებლობისთვისა და ავარიული სახლებისთვის 223 მილიონი ლარის გამოყოფა იგეგმება. ეკოლოგიური პრობლემების მოსაგვარებლად 213,6 მილიონი ლარი გამოიყოფა. სოციალური დახმარებისთვის მოსახლეობას 121,9 მილიონი ლარი მიეცემა. გარდა ამისა, დედაქალაქის ბიუჯეტი ითვალისწინებს ეკონომიკის, ბიზნესის, ტურიზმის განვითარების დაფინანსებას და ასევე ბავშვთა სახლების, თეატრებისა და ზოოპარკის დახმარებას.