საქართველოს ეკონომიკა აღმავლობაზეა

სამი წლის განმავლობაში საქართველოს ეკონომიკა თითქმის 30 მილიარდი ლარით გაიზარდა. პრემიერ-მინისტრმა ირაკლი ღარიბაშვილმა აღნიშნა, რომ 2023 წელს მშპ ერთ სულ მოსახლეზე 8,2 ათას დოლარს შეადგენს მაშინ, როდესაც 2020 წელს მან 4,5 ათასი დოლარი შეადგინა.
გარდა ამისა, ქვეყანაში სიღარიბის დონემ ამ წელს ისტორიულ მინიმუმს – 17,3%-ს – მიაღწია. 2012 წელს ეს მაჩვენებელი თითქმის 27%-ს უდრიდა.

2023 წლის პირველ კვარტალში დასაქმებული მოსახლეობის რაოდენობა 70 ათასით გაიზარდა და 1 271 000 ადამიანი შეადგინა.
ადგილობრივი წარმოების სტიმულირების სახელმწიფო პროგრამის ფარგლებში „აწარმოე საქართველოში“ მთავრობამ ქვეყანაში 11 ათასამდე ბიზნეს პროექტი დააფინანსა, რის შედეგადაც 62 500 სამუშაო ადგილი შეიქმნა.