საქართველოს ეროვნული ბანკი საიუბილეო საკოლექციო მონეტებს გამოსცემს

საქართველოს ეროვნული ბანკი 30 წლის იუბილეს აღნიშვნას სამი სახის საიუბილეო საკოლექციო მონეტების გამოშვებით გეგმავს. ამასთან დაკავშირებით გამოცხადდა კონკურსი “5 ლარის” ნომინალური ღირებულების – სპილენძისა და ნიკელისგან, ვერცხლისა და ოქროსგან – სამი საკოლექციო მონეტის ესკიზზე. ვერცხლის მონეტა უნდა შეიცავდეს ფერად ელემენტებს.

ნამუშევრების მიღება 2023 წლის 11 სექტემბერს დასრულდება. კონკურსში მონაწილეობის მსურველებმა უნდა წარადგინონ სამი სახის დიზაინი მათი არსის განმარტებითა და აღწერით.

საქართველოს მიმოქცევაში ლარი 1995 წლის 25 სექტემბერს გამოჩნდა, ხოლო 2 ოქტომბერს ლარი გამოაცხადეს ერთადერთ კანონიერ საგადასახადო ერთეულად ქვეყნის ტერიტორიაზე.