თელავში ელისო ვირსალაძის მუსიკალური ფესტივალი გაიმართება

23 სექტემბრიდან 30 სექტემბრის ჩათვლით ქალაქ თელავში ჩატარდება საერთაშორისო მუსიკალური ფესტივალი, რომლის დამაარსებელი არის ცნობილი ქართველი პიანისტი ელისო ვირსალაძე. ის მიძღვნილი იქნება ქართველი პიანისტის, პედაგოგის ანასტასია ვირსალაძის – ელისოს ბებიის – დაბადების 140-ე წლისთავისთვის.

ფესტივალზე გამოვა თავად ელისო ვირსალაძე, ასევე ვიეტნამელი პიანისტი დაგნ ტხაი სონი, დავიდ ოისტრახის რუსული კვარტეტი და საერთაშორისო კონკურსების ლაურეატები – ფრანგი პიანისტი ჟან-ბერნან პომიე, რუსი მევიოლინე ოლგა მარტინოვა, ვიოლონჩელისტები ჰოუინგ ჩოი და იბაი ჩენი და ფლეიტისტი ირაკლი ევსტაფიშვილი. ფესტივალის დირიჟორი იქნება არიელ ცუკერმანი, რომელსაც ორგანიზატორები “ფესტივლის ძველ მეგობარს” უწოდებენ.