საქართველოს საგარეო ვალი 800 მილიონი დოლარით გაიზარდა

საქართველოს ეროვნული ბანკის მონაცემებით, 2023 წლის ბოლოს ქვეყნის მთლიანმა საგარეო ვალმა $24,2 მლრდ შეადგინა, რაც მისი მშპ-ს 79,2%-ს შეადგენს. 2023 წლის მეოთხე კვარტლის განმავლობაში ეს ვალი $800 მლნ-თი გაიზარდა. მთლიანი საგარეო ვალიდან $11,2 მლრდ არის სახელმწიფო ვალი, მათ შორის, მთავრობის ვალი, ეროვნული ბანკის ვალდებულებები და სახელმწიფო საწარმოების დავალიანება ობლიგაციებსა და სესხებზე.

საბანკო სექტორის ვალი არის $7,3 მლრდ, კერძო საწარმოების – $4,6 მლრდ, ხოლო კომპანიებსშორისი – $2,7 მლრდ. ამ ვალის თითქმის 90% არის დენომინირებული უცხოურ ვალუტაში. გარდა ამისა, საქართველოს წმინდა ვალმა 2023 წლის ბოლოს $12,2 მლრდ შეადგინა, რომელშიც შედის წმინდა სახელმწიფო ვალი $6,2 მლრდ-ის ოდენობით.