საქართველოში გაჩნდება საკუთარი ზეთისხილის ხეები

კახეთის რეგიონის სოფელ საქობოში მოეწყო ზეთისხილის ნერგების პირველი მეურნეობა. იმპორტირებული პროდუქციის ჩასანაცვლებლად წელს მასში იგეგმება ცხრა ჯიშის, დაახლოებით, 500 ათასი ნერგის მოყვანა, მომავალ წელს კი – მათი რიცხვის მილიონამდე გაზრდა. მეურნეობა ასევე მუშაობს ქართული ზეთისხილის ჯიშის გამოყვანაზე.

ზეთისხილის პირველ სანერგე მეურნეობას ფინანსურ მხარდაჭერას სოფლის განვითარების სააგენტო უწევს. მეურნეობამ მიიღო 650 ათას ლარზე მეტი ოდენობის შეღავათიანი აგრო სესხი სახელმწიფო პროგრამით “დარგე მომავალი”, რომელიც 2015 წელს იქნა გაშვებული. პროგრამის ფარგლებში უკვე დაფინანსდა 16 სანერგე მეურნეობა.